Kenha ki fla ma tudu sta séku toradu!
Al bale péna fase simentera?
Algen atxa ma Téra dja kalsina?
Nău. Sufokadu, e sa ta raspira manenti.
Prenha ku dór, parida ku amor
Sima mar, e ka ta seka,
nganadu staba ken odja-l ta razisti
pensa m’éra si agunia.
Nhanhidu ku duréza di vida
Ku frida abértu ta sangra pa tudu pónta
Sufrimentu más profundu na si alma
Ta pasa si mundu, ta alkansa univérsu.
Ta ndęria, el ka ta kai
Ka nhos kridita ma Téra fridu
Ta dexa di sunha ku vitória
Ô anton ma si vęs y vós ta dilui.
Nău! El ta razisti pa tudu txada ku rubera
Inda ki njuriadu y ku frida abértu
El é nos alma, el ka ta móre
Kenha ki fla ma tudu sta séku toradu?
Nău! Si alma sa ta razisti
Ta ndęria, ka ta kai, pamodi el é imortal.
|