Wėn es waser fom Kroose Fluut noch mool
Iire ruu aus te krėnse fom lant fint,
Aus te linye fon te xpuure fom xaum, oone se siin un ruich,
Khomt te Liipe un macht sayne weech uf te sant -
Um ferxwine in te luft, is sii keruuf kep -
Pis an te taach woo sii fiil ferlangt kewe solt...
Aach hayt noch, tuun soo xpasiche sich tsayche,
Woo in tee raych mixung luft tsiye, oone pang
Khee prays un khee xtroof am waate,
Un an niks himlixes am tėnke,
Awer pletslich tuun se aanfange luft tsiye in tsayt,
Mit kenau ti selwich unekaal respiratsioon.
Kriine khėmp, himel oone krėnse triwer -
Soo en kexėnk fer tii woo liipe wolt ich kewe! ..
Wėn ich luft tsiye, tas petayt tas ich liipe!
Wėn ich liipe, tas petayt tas ich leewe!
Un wėre fiile reese paseere, pareere, halt xtele -
Liipe is tas kreeste lant tswixe ale lėnter.
Sayn ritere wėre xweere proope mit mache,
Un phaar fon tėne wėre sayn letste xtante mache,
Ore xteche im sump fon feeler un unitsliche hofnunge,
Soo lang wii nimant ruue khan net mool xloof aanforterunge...
Tii riter fom Liipe lose sich net rom treye,
Fer hoohe takse petsaale sin sii prepareyert,
Un ale khoste, sokaar tas leewe, wėre aan kenom -
Ploos fer preserweere, fer kraat net uf pine lose
Te majike faatem woo ti aue net siin,
Mit was tii soo xiksaalhaftich ferpint sin.
Kriine khėmp, himel oone krėnse triwer -
Soo en kexėnk fer tii woo liipe wolt ich kewe! ..
Wėn ich luft tsiye, tas petayt tas ich liipe!
Wėn ich liipe, tas petayt tas ich leewe!
Wii fiile fon te riter fom Liipe hon sich apkexpėrt
fom Liipe, un heere net aan ruufe, wėn aach kans laut!
Sii playwe in pees aartiche kexpreeche,
Soo lang wii was sii kemach hon, wėrt mit pluut runer kexrip,
Un meyer wėre khėtse aan xteche fer ti hėrtse woo ferproch sin,
Woo net mit wisheet keliipt hon, un waare tsu kuut keliipt kep...
Iire seele wanere im mite fayne pluume, iire liiter
Fliye in te himel in himlixe uniisono,
Sii riiche ti eewichkheet in yeete luft inaleere,
Un mit en tiif luft tsii fer ferkangne koltne traume,
Trefe se sich uf prike iwer tsayt loose pache,
Uf xmaale kraytsunge fom Hėr sayn kriatsioon.
Te frixe wint yuupelt sii wii perauxent ketrėnk,
Hot se niter kexlaa, un fon te toote kehoop.
Nimant, sonst te Liipe, khan ti eksistėns komplet mache,
Tee woo nii keliipt hat, hat net keleept un luft ketsoo!
|