Ich hon net kefun was uf tėm Trokne Land tsum eere is -
Hier is yeete aktsioon ploos en xtriife hinich em wint.
Un ich xteen tsuu tas yeete ėne is en insel -
Tan wil tas recht sin tas Trokne Land ferlose uf es meer.
Soo, anxtat aler mayn soriche un aankeleechenheete,
Un anxtat tas Trokne Lant sayn triks un ferėnerunge,
Nėmt mich aus em Meer, ooh liipe meer mėner -
Te traum fon mayn hėrts is ti aue uf en xif hale!
Al tii woo uf em Trokne Lant sin liipe, awer kolt,
Te weech woo sii keen is pelaycht torich sayn xwach licht.
Un es kept meer mėner uf tėm kroose umfang fom meer
Ti korajoose woo sayn tsayt rom pringe im sune licht.
Soo, anxtat aler mayn soriche un aankeleechenheete,
Un anxtat tas Trokne Lant sayn triks un ferėnerunge,
Nėmt mich tsum Meer, ooh liipe meer mėner -
Te traum fon mayn hėrts is ti aue uf en xif hale!
Teyer wist kuut, tas tswaay tuun khėne was ėne net tuun khan,
Un hon imer en richtiche loon fer sayn aarwat;
Tas kuute un xlechte woo tsu iine khomt tuun se in tswaay helefte hake -
Ich xtime tsuu uf yeete hart un phaynlich aarwat!
Soo, anxtat aler mayn soriche un aankeleechenheete,
Un anxtat tas Trokne Lant sayn triks un ferėnerunge,
Nėmt mich aus em Meer, ooh liipe meer mėner -
Te traum fon mayn hėrts is ti aue uf en xif hale!
|