Ich wëre aych saan was paseere wil, froynte,
Im unpekhante xtrek fon te tsayte,
Wën ach kelërnte mëner
Wëre net mayn ermaanung aproweere.

Wën mool es wërt ans licht khome uf te Eyert,
Tas xtorme wëre sayn normaale khurse hoole.
Tan keayste, wii rooe leter kërtle,
Wëre ti pauche fon te Ootseane samer tsiye.

Wëre ti xtroome fon kroos xtërekt fale,
Elektrike meser wëre tsayche niks,
Un wëre sayn kewoonliche forme erkhëne
Khee paar kelt khee informatsioons fluse.

Un tan ti net kriicherixe keweere -
Net pums fon huufe un phulfer rauch -
Awer pilioone fon tëne ketrunkte kleeser
Wëre tee aarme Kloope fol sinte fersaufe...

Xwarts, lila, ore farwiche traume
Wëre khome, tayn propleme wëre ën kriin -
Tas hayst, teyer al, kuut aartiche un krinsiche,
Wërt kans tsufriite sin.

Nimant wërt kern hon wii es wërt paseere,
Awer es wil paseere oone tswayfel.
Wën krayxeray is im Nort,
Tan waat uf krayxeray im Siit.

Wën es xprecheray un xeneray kept,
Tas petayt tas aarmut un troknung kewe tuut.
Ti Nortliche winte ploose uf sayn ayl,
Un ti khome tsurik, awer torich te Siit...