Khërtse tripse un iwerxwime
Te alte parket potem,
Fon te xulre fliise noo runer
Silwerne xulre ornamënte.

Koltne wayn xaumt
In tëm khelich un kukt...
Ti kans ferkangheet keet wech temit,
Un macht tas tsimer fray fer en noye.

Plange leetichkheet kexpiert
Aus em xroo au fom toot
Ëngstiche hërxe foerwërts keyaat
Keeche tas es waare fayer fon te yeechter.

Pay en person woo xultloos is,
Yemant leet tas xiis roer...
Ti kans ferkangheet keet wech temit,
An te tier xteet en noye.

Yemant xpetlich un limiteyert
Mit te pees freet xiist
Xarfe kiftiche fayle
An te sune unerkang’s root flam.

Im xtorem fon te melotiie,
Apkexpiilte noote renoweere...
Ti kans ferkangheet keet wech temit,
Uf sayn plats keet es noyes.