Meyer sin eftas lustich als wii kefilt mit has un eekel,
Awer wën meyer aus suuche mise net fer ti xwache,
Sin mer ketswung uns lose in hols klaytung keklayt kewe,
Laytcher! Laytcher!

Ti wëre fersuuche uns tswinge net ferpase en tings:
"Khom", wëre se saan, "tuu pixt imer noch soo fiil im xpayche yets.
Tuu pixt ploos hiin khom an te phunkt woo tas leewe aanfangt!.."
Un tëm noo wëre se saan: "Es is entweeter-ore."

Entweeter xtrante, feste un am siin ferxiitne plets,
Un aach xife kefilt mit em peste pis ans iwer laafe,
Trayner, kayl, vernisaaje, taache an te rënung -
Ore eenfach ploos in hols klaytung keklayt wëre.

Un ti wëre lustich sin ore fol mit has un eekel,
Ti representeere en aart richter ore nare kethauxt im xlechtes,
Awer ti wëre uns foerxlaan in holsne klaytung keklayt kewe,
Laytcher! Laytcher!

Ti khëne sokaar froyntlich uns sigarete aan piite:
"Khom", wëre ti saan: "Tuu must sicherlich yets rauche.
Awer tuu hast noch net mool tayn leewe aankefang!.."
Un tëm noo wëre ti saan: "Es is entweeter-ore."

Ploos een inaleerung macht ti eksistëns heler,
Soo khome perfekte ketanke ans kehërn paym rauche.
Meyer mise laychte, wii mise meyer laychte!
Awer unser pextimung is keklayt kewe in hols klaytung.

Un ti wëre saan soo xeene wërter: "Yets hëngt ales an tich -
Es kept uf te plake en leewe woo lang un freelich is..."
Awer meyer wëre es apsaan - un ti wëre uns setse uf tas kweele,
Laytcher! Laytcher...