Ti Kroon
Is in fiile xtiker ferproch,
Es kept net mee ti kewoonlich ray noo keen -
Te alte weech un xtaats relichioon
Sin yets fertamt!
Un meyer -
In en skantal am keen -
Kenau wii inkexpërtne peere in sayn hoole,
Kenau wii inprecher in flakrant ferwixt -
Too xteen!

Fer uns,
Es is soo xweyer fer aus sortiire,
Was pehale un was aus xtrayche,
Weyer saat tsuu, weyer is im keeche sats.
Aus tëm kaos, woo sole meyer keen?
Meyer khëne net saan!
Woo is kayst? Woo is eere? Woo is xult?!
Woo sin froynte un woo sin frëmte,
Wii khënte meyer neewe lose tee kefaar,
Khëne meyer wërklich unser lant wërfe un
In ti hel keen?!

Un xaam -
Uf tii woo aus suuche tas sichere leewe
Anxtat khëmfe fer kerecht playwe,
Un ti tseele tas imer toot mache
Is en sint!
Meyer wëre keen -
Wii en wolf laaft fer ti yung ree,
Wii en aatler xwëngt fer te yunge xwan,
Awer tefoer - Fer ti trache solt kephif wëre
Fer sayn futer...

Haloo, tuu!
Woo is ti kraft, woo ayer kesichter pelaycht?
Woo is te xtols, mit was tuu um plikst?
Niks se tuun, wërt tich xant aan tuun!
Krayf rewolwer fest in te hant un kee!
Tas ën! Tas ën fer al!
Was net ferproch is xaynt proklich,
Un meyer kewe kelos mit ploos en pisye -
Pis unser aychne toot,
fer khëmfe keeche unsere faynt!