Khee uersach fer fertsayung ferlange, Pay em singe fon te peste - Sii hot kepliit in en kaate, Isoleyert fom rest. Sayn Moter waar imer aus kewees, Sayn Fater hot se kelos, Awer Kastanye mit sayn est Hot sii kuut ferxtekelt fon plike. Ekaal wii ticht Waar sayne eerliche wacher, Es paseyert tas unser Rose Hot em kesiin un felt in liipe. Narsiisus waar en pluum Kesung in fiile liiter, Un fiile xeene meetcher-pluume Hon iim kep sayne tuft tefoer. Er kukt soo siis un uf kereecht, Soo hiinraysent un keseechent. Sayn Moter waar en kroos taam. Sayne Fater waar en maknat. Er waar kexpritst kep in sayn khiner tsayt Un ferprayt en echte palsam, Soo hat Rose im sin tas Tee muutwiliche is te eensichste. Weche sayn pees supstans, Narsiisus saat iyer en mool, "Khom aus tėm kaate, Tuu pist mayn leewe un liipe!" Khee tings uf te Eyert is peser Tan wii flame raus khomt - Sii is kelaaf wii aus en gheto... Weyer is er woo sol xult sin? Un al sayn prėnente plume pleter Waare fon tėm taywel kefang. Sayn moter waar mit iire khameraate, Pay Kastanye waar sii net kehal. Sii kukt fer sayn kuut klik Un ferpast ti kliklich xans Um en teel klaawe pehale - Es Poppy aus liipe mėrke. Un het net ketacht wii ticht Un panal tas hooche leewe is: Es kept net mee unser Rose - Sayn plume pleter tuun net mee eksisteere...        
© Solange Hamester Johann. Iwersetst, 2016