Si de prontu te ponis a cavilal que esi collazu
quiciás no es amigu de veras ni enemigu,
si no llegas a sabel siquiá
si es güen jombri o si es un truchiman,

entoncis verus juntus paí pa los serrajonis
no lo queis solu, en lo altu del picu,
pos amarráus a la mesma cuérdiga,
sabrás, endi el pingorutu, quien es él.

Si pa los riscus no palra,
si se atuldi, sin pisal de rediu
en cualisquiera piera de gielu,
si s’acobarda y recula p’atrás,

en esu puei barruntal que es un extrañu pa ti.
No lo insultis, ni lo acosis, ni por asomu,
peru aléjati, ya que no es compaña pa dil al monti.
Pa esta genti no se jadi esti cantal.

Por la contra, si el jombritu no jimplotea,
y camina aginau peru filmi renti a ti,
y acasu cuandu tú disti aquella caía,
él chió peru te contuvu con juerza con la cuérdiga;

Si andaba a tu lau, marchandu de rediu
y en lo más cimeru os queastéis dambus ensimismáu,
tou estu vieni a sel que, comu en ti mesmu,
pueis confial en él, que esti es el tu collazu.