Twaa on vil yo té ka koubaré dépi syèktan
Mé awa, yo pa té ka jan rivé fè-y tonbé.
Sa rivé davwa sé Twaayen-la pa pwan tan
kouté Kasann sansa Twaa t’é toujou ka kenbé.

Toulongalé tifi-fòl la té abo hélé 
«Mi gadé, an ka vwè Twaa anba sann!»
Mé zòt plis ki sav yo toujou brilé
ki moun ka diviné, ki moun ka vwè é tann.

Lè lannuit lanmò an mitan vil Twaa vin débaké
lanmò a zèl la noutout byen konnèt la
sòti an vant gran chouval-la pou masakré. 
Ou tann on moun hélé: «sé fòt a fi-sosyèz-la!»

Davwa toulongalé tifi-fòl la té abo hélé 
«Mi gadé, an ka vwè Twaa anba sann!»
Mé zòt plis ki sav yo toujou brilé
ki moun ka diviné, ki moun ka vwè é tann.

Lanuit-lasa on zagalakatéléma plen san
Lè sa i pou fèt ka fèt lè lè rivé pou i fèt
Asiré foulmoun-la té pé touvé on moman-tan
Pou Lajistis pwan lanmen é vini mèt.

Awa, toulongalé tifi-fòl la té abo hélé 
«Mi gadé, an ka vwè Twaa anba sann!»
Mé zòt plis ki sav yo toujou brilé
ki moun ka diviné, ki moun ka vwè é tann.

Epi pou bout mi on Grèk, on solda
touvé ola Kasann séré san gran zafè
olyé mandé-y sav si dèmen té ni penga
i té simyé fè sa sé pli fò-la  toujou ka fè.

Kanmenm toulongalé tifi-fòl la té abo hélé 
«Mi gadé, an ka vwè Twaa anba sann!»
Mé zòt plis ki sav yo toujou brilé
ki moun ka diviné, ki moun ka vwè é tann.