In sce tonbe da fræ no se tia sciù de croxe
No gh’é de vidoe che cianzan despiæ
Quarchedun o ghe pösa massi de fiori
E bruxa a Sciamma perpetoa

Chi primma se ghe îsâva a tæra in muggi
E òua lastre de granîo
Chi no gh’é ’n destin pe ògnidun
Tutti i destin son fuxi inte un solo

E inta Sciamma perpetoa ti veddi ’n car’armòu ch’o scceuppa,
’na caza de canpagna ruscia ch’a bruxa
Smolensk ch’o bruxa, o Reichstag ch’o bruxa
O cheu de ’n sordatto ch’o bruxa

In scê tonbe da fræ no gh’é de vidoe che cianzan
Chi se mescia òmmi in pö ciù fòrti
In sce tonbe da fræ no se tia sciù de croxe
Ma fòscia l’é megio coscì?