Ritornemmo a-a vanitæ da çitæ
e a-i torenti de machine - no gh’emmo atro! -
E chinemmo da-e çimme conquistæ,
lasciando in scî monti, lasciando in scî monti o nòstro cheu.

Coscì, lasciòu da parte inutili discuscioin,
Pe mi l’é tutto ciæo:
Megio di monti ghe peu ese solo i monti,
In scî quæ no gh’é stæto ancon nisciun.

Chi dexidera arestâ solo inta desgraçia?
Chi dexidera andasene sensa o conseggio do cheu?
Ma niatri chinemmo da-e çimme conquistæ...
Cöse fâ, - anche i dei son chinæ in sciâ tæra.

Coscì, lasciòu da parte inutili discuscioin,
Pe mi l’é tutto ciæo:
Megio di monti ghe peu ese solo i monti,
In scî quæ no gh’é stæto ancon nisciun.

Quante paròlle e speranse, quante cansoin e argomenti
Che i monti adescian drento de niatri e ne conseggian d’afermase.
Ma niatri chinemmo - chi pe ’n anno, chi pe senpre, -
perché devimo de longo ritornâ.

Coscì, lasciòu da parte inutili discuscioin,
Pe mi l’é tutto ciæo:
Megio di monti ghe peu ese solo i monti,
In scî quæ no gh’é stæto ancon nisciun.