ln takon limièr zone i farfouy mon somèy
E mi souplingn dann mon rêve,
Aspère a ou, aspère a ou,
Bardzour i klèrsi out zidé sa.

Solman granmatin, na pi rien lé bon.
Ou na pi la guété
E ou fime a zin
Ou bien sa ou boir pou fé fane la soulézon.

Anon, ankor, ankor in foi,
Ankor bonpé, bonpé d’foi
Ankor, ankor in foi
E ou boir pou fé fane la soulézon

Bann kabaré, rido vèr
Ek sèrviète blan
Paradi pou mandian, pou bann kloun
Mé moin, ma lé konm in zoizo anfèrmé

Dann légliz lodèr pouri sanm fénoir
Bann diak i sakouy lansansoir
Dann légliz ossi, na pi rien lé bon
Rien i sar pi konm i fo!

Mi sava kashiète viteman dsi in montagne
Tansion bèzman,
Dsi son pointe n’a in pié la vèrgne,
Dann ba, in pié sériz.

Si m’a té i guingn kourone la pante sanm la lière,
Même sa noré soulaz a moin...
Ou bien in not zafèr
Rien i sar pi konm i fo!

Anon, ankor, ankor in foi,
Ankor bonpé, bonpé d’foi
Ankor, ankor in foi
Rien i sar pi konm i fo!

Alorss mi traverse karo kann, mi dsann in rivière,
Fénoir ti brine, na poin Bondié,
Episa dann gran karo la, bann flèr miozotis,
In gran shemin.

Dann bordaz la route, in foré toufé
Sanm bann sorsière anndan
Epi dann bout shemin
In biyo èk bann ti ash.

Tèr la bann sheval i danse an kadans
An malizé, à lèz blèz,
Dann bordaz la route, la pa bon sa.
Dann bout, pli mové ankor.

Légliz inn tiok, kabaré inn tiok,
Na poin rien sakré,
Non dalon, rien i sar pi
konm i fo!

Anon, ankor, ankor in foi,
Ankor bonpé, bonpé d’foi
Ankor, ankor in foi
rien i sar pi konm i fo, dalon!