Moin té i vive èk papa-monmon,
Dann la ri l’Arbat - té! sa té lo bon tan, sa!
A la moin la dann lopital militèr
Klouté dsi in li, kouvèr èk pansman.

La gloir, Klava linfirmière,
La grandèr la tèr, moin lé pa la èk sa.
Mon voizin à droite lé mor
Sék lé a gosh la pankor.

In zour, konm èk in limièr an li,
Mon voizin, sék lé a gosh,
La di a moin toudinkou: «Té! lo frèr! ou koné
Ou na rien k’in zanm!

Kossa sa? La pa vré, bana?
Sirman li la rode pou plézanté!
«Nou va koupe zis lo bann doi», -
Doktèr lavé di a moin.

Mé mon voizin, sék lé a gosh,
I kontinié rire, plézanté,
Même la nuite, kan li divag,
Toultan li la pou koz dsi mon zanm.

Ou doboute arpi dsi out dé pié, li di a moin, an malis.
E out fanm, ou oira pi!
Non, mé, argarde in pé, kamarade,
Kossa ou arsanm!

Té! Si moin té pa infirme
Moin noré sorte dann li la
Moin noré bien torde lo kou
So boug la, mon voizin sék lé a gosh.

Mi souplé, mi ansipli sèr Klava
Montre a moin koman mi lé.
Si mon voizin sék lé droite té i vive ankor,
A li noré di a moin la vérité.